Azaroaren 21ean, asteazkenean, Sorturen eratze eztabaida
abiatu zen Txantrean. Otsailak 23ko Kongresua aurretik egingo diren lau auzoko
batzarretatik lehena burutu zen, Euskal Herrian egiten ari diren 293
batzarretariko bat. Lehen batzar honetan Sorturen oinarri ideologikoen inguruko
eztabaida eman zen, ponentzian oinarrituz. Parte hartzea bultzatzen bilatzen duen metodologia erabili zen, lantalde txikien eta plenarioen bitartez.
Batzarra bi zatitan banatu zen, bat Sorturen definizioa eztabaidatzeko, idei
zaparrada batekin hasi zena eta ponentzian proposatutako definizio hobetzeko
hainbat aportazio zehazten bukatu zuen. Auzoko batzarraren beste zatian helburu
estrategikoak landu ziren, Auzotegi Kultur Etxeko 3 geletan banatutako 10
pertsona inguruko taldetan eta gero ekarpen guztiak saloi txikian egin zen
plenarioan komunean jarri ziren, bukatzeko ponentzian jasotako texto
alternatiboak bozkatu ziren.
Lehen batzar honetako balorazioa positiboa da,
kuantitatiboki hobetu badaiteke ere, 27 pertsonak parte hartu zuten. Kualitatiboki, ordea, hobeezina izan zen, oso eztabaida giro ona eta proposatutako
ekarpengatik. Independentisten eta ezkertiarren herritar batasun berria
sortzeko lehen pauso bat eman dugu guztion artean, orain pauso gehiago ematen
jarraitzera…
No hay comentarios:
Publicar un comentario